Flugmódelfélag Suðurnesja

Flugkvöld sumarsins

sverrir — Mon, 06 May 2013 15:38:38 +0000

Nú í maí hefjast flugkvöld sumarsins en viðvera er á Arnarvelli öll þriðjudagskvöld frá kl.19. Hvetjum félagsmenn og áhugasama gesti til að fjölmenna á svæðið og hefja sig á flug með okkur.

Hangið á Stapanum

sverrir — Tue, 30 Apr 2013 14:58:06 +0000

Nokkrir félagsmenn skelltu sér á Stapann í gærkvöldi og tóku nokkur hangflug. Þau leynast víða tækifærin til að njóta náttúrunnar hér um slóðir! Hægt er að sjá fleiri myndir á flugmódelspjallinu.

Leitað að hangi

sverrir — Sun, 28 Apr 2013 23:31:11 +0000

Steini, Sverrir og Gústi skelltu sér til Grindavíkur og könnuðu nokkra álitleg hangflugsstaði við Suðurstrandarveg. Óhætt að segja að sú ferð hafi skilað góðum árangri!

Styttist í vorverkin

sverrir — Fri, 26 Apr 2013 23:28:00 +0000

Gunni og Sverrir skutust austur og náðu í einn sekk(600kg) af áburði fyrir félagið.

Félagsgjöld 2013

sverrir — Wed, 27 Feb 2013 16:47:08 +0000

Greiðsluseðlar fyrir félagsgjöldum ættu að sjást í heimabönkum félagsmanna á morgun og berast þeim í pósti eftir helgina.

Aðalfundi lokið

sverrir — Tue, 05 Feb 2013 23:53:03 +0000

Flugmódelfélag Suðurnejsa hélt aðalfund sinn í kvöld og tókst vel til. Hægt er að nálgast fundargerð og fundargögn í skjalasafni félagsins hér á vefnum.

Aðalfundur FMS, 5.febrúar kl.19:30

sverrir — Wed, 23 Jan 2013 13:54:15 +0000

Aðalfundur Flugmódelfélags Suðurnesja verður haldinn þriðjudaginn 5.febrúar kl.19:30 í Akademíunni í Reykjanesbæ, þetta er sami staður og í fyrra eða beint á móti Reykjaneshöllinni, sjá á korti.

Á dagskrá verða hefðbundin aðalfundarstörf. Fundargögn verða send félagsmönnum í tölvupósti og birt á vef félagsins þegar nær dregur fundinum.

Stjórn félagsins leggur einnig til breytingu á níunda grein samþykkta félagsins sem borin verður undir atkvæði á fundinum.

* * * * *

9. grein – Stjórn
Stjórn félagsins er skipuð fjórum mönnum.
Formaður, gjaldkeri/ritari, vallarstjóri og einn meðstjórnandi.
Skulu þeir allir sitja stjórnarfundi félagsins.

Aðalfundur kýs formann og gjaldkera þau ár sem enda á jafnri tölu, en vallarstjóra og meðstjórnanda þau ár sem enda á oddatölu. Gjaldkeri skal gegna störfum formanns í forföllum hans.

Yrði (breytingar litaðar)

9. grein – Stjórn
Stjórn félagsins er skipuð fimm mönnum.
Formaður, gjaldkeri/ritari, vallarstjóri og tveir meðstjórnendur.
Skulu þeir allir sitja stjórnarfundi félagsins.

Aðalfundur kýs formann og meðstjórnendur þau ár sem enda á jafnri tölu, en gjaldkera og vallarstjóra þau ár sem enda á oddatölu. Gjaldkeri skal gegna störfum formanns í forföllum hans.

* * * * *

Kveðja
Stjórn Flugmódelfélags Suðurnesja

Aðalfundur FMS

sverrir — Mon, 21 Jan 2013 22:33:53 +0000

Stefnt er að því að halda aðalfund FMS fyrri hluta febrúar en á meðan beðið er eftir staðfestingu á bókun fundarsals þá verður ekki hægt að gefa út nánari tímasetningu.

Ert þú ekki örugglega með okkur á Snjáldurskinnunni?

Minnum á áramótaflugið

sverrir — Thu, 27 Dec 2012 00:37:01 +0000

Minnum á hina árlegu áramótaflugkomu FMS en hún hefst upp úr kl.11 þann 31.desember á Arnarvelli. Hlökkum til að sjá þig og kveðja gamla árið með þér.

Gleðileg jól og farsælt komandi ár

sverrir — Mon, 24 Dec 2012 18:00:56 +0000

Óskum félagsmönnum okkar og öðrum flugmódelmönnum gleðilegra jóla og farsæls komandi árs.